Kotikunta Suomessa

Guri degmo ee gudaha Finland

Degmooyinku waxay deganayaashooda siiyaan adeegyo badan. Adeegyada degmadu waa tusaale ahaan daryeelka caafimaadka, waxbarashada iyo barbaarin-horaadka carruurta. Haddii aad guri degmo ku leedahay Finland, sida caadiga ah waxaad xaq u leedahay in aad isticmaasho adeegyada degmada.

Waxaa kuu wanaagsan in aad hubsato, in aadiga iyo xubnaha kale ee qoyskaadu aad xaq u leedihiin guri degmo oo Finland ah. Xaq u lahaanshaha guriga degmo ee Finland wuxuu ku salaysan yahay sharciga guri degmo. Hay’adda dijitaalka iyo macluumaadka ee degmaadada ayaad ka hubsan kartaa, in aad xaq u leedahay guri degmo oo Finland ah.

Si aad guri degmo uga hesho Finland, waa in aad Finland ugu soo guurtaa si rasmi ah. Haddii aad si ku meelgaar ah u deggantahay Finland, tusaale ahaan aad Finland u soo guurto waxbarasho ama shaqo qaadanaysa ugu badnaan hal sano, sida caadiga ah, Finland kama heli kartid guri degmo.

Sidee baad deegaan uga heli kartaa Finland

Waxaa macquul ah in aad deegaan ka hesho Finland haddii:

  • tahay muwaadin finnish ah
  • tahay muwaadin u dhashay wadamada Wuqooyiga Yurub
  • tahay muwaadin u dhashay dalalka EU, Switzerland ama Liechtenstein aadna sharcigaaga degenaanshaha ka diiwaagelisay Finland.
  • aad haysato sharciga abadiya ah (P) ama joogtada ah (A) oo shaqeynaya
  • ama aad tahay qof xubin ka ah qoys deggan Finland.
  • Haddii aad haysato sharciga ku-meel-gaarka ah (sharciga B), kaaso o shaqeynaya, waxaad heli kartaa deegaan haddii aad muujin karto in ujeedadaadu tahay in aad si rasmi ah ugu noolaato dalka Finland.

Degenaanshaha rasmiga ah waxaad ku muujin kartaa tusaale ahaan qaababka soo socda:

  • in aad goob shaqo ku haysato Finland iyo in heshiiskaada uu yahay mid ugu yaraan shaqeynaya labo sano.
  • in aad wax ka baraneyso Finland iyo in waxbarashadaadu qaadaneyso ugu yaraan labo sano.
  • in aad tahay asal ahaan muwaadin finnish ah.
  • in aad horay u deegan ugu aheyd Finland.
  • in aad degeneyd Finland ugu yaraan muddo sanad xiriir ah.

Degmadaada caadi ahaan waa degmada aad degan tahay. Haddii aadan guri ku laheyn ama aad guryo ku leedahay agagaarka degmada, degmadaadu waa degmada aad adigu shaqsiyan doorbideyso taas oo aad ku leedahay xiriir joogto ah tusaale ahaan xiriir qoys ama mid shaqo.

Haddii aad doonayso in nidaamka macluumaadka dadka laguugu qoro deegaan degmo, wa ain aad si shakhsi ah u tagtaa Hay’adda dijitaalka iyo macluumaadka dadka. Haddii qoyskaada oo dhan la diiwaangelinayo, xubnaha qoyska oo dhan waa in ay tagaan Hay’adda dijitaalka iyo macluumaadka dadka.

linkkiDigi- ja väestötietovirasto:
Macluumaadka xiriirka ee Hay'dda dijitaalka iyo macluumaadka dadkaFinnish | Iswidish | Ingiriis

linkkiFinlex:
Sharciga degmo-gurigaFinnish | Iswidish