Nolosha Finland

Asukkaaksi rekisteröityminen

Isu diiwaangelin degene

Marka aad u soo guurto Finland, waa in aad aadaa xafiiska diiwaan gelinta deegaankaada si aad degane ahaan isaga diiwaangeliso. Ka hor inta aadan imaanin xafiiska diiwaangelinta, waxaad buuxin kartaa ogeysiiska diiwaangelinta ajnabiga oo laga helo bogagga maistraatti.fi. Xafiiska diiwaangelinta ayaad sidoo kale ku buuxin kartaa.

Xafiiska diiwaangelinta waxa uu macluumaadkaada ka diiwaan gelinayaa hay’adda tirakoobka bulshada ee Finland. Macluumaadyadan waa tusaale ahaan magaca, taariikhda dhalashada, jinsiyadda, jinsiga iyo cinwaanka.

Haddii aad Finland u soo guurtay si aad joogto u degto sannad ama wakhti ka badan, waxaad xaq u yeelan kartaa guri degmo oo Finland ku yaal. Guri degmo ayaad u baahan tahay si aad u isticmaasho adeegyada magaalada ama degmada, sida daryeelka caafimaadka iyo xannaano-maalmeedka. Xafiiska diiwaangelinta ayaa lagu gurfeynayaa in guri degmo laguu diiwaangelin karo.

Marka aad aadeysid xafiiska diiwaangelinta, horay u soo qaado ugu yaraan dokumiintiyada soo socda:

Haddii aad tahay muwaadin dal Midowga Yurub ama Waqooyiga Yurub ah:

  • baasaboor shaqeynaya ama aqoonsi kale oo ay ka muuqato jinsiyaddu
  • shaqada, shahaadada waxbarashada ama cadeyn kale oo ay diiwaangelintu u baahan tahay (haddii aad tahay muwaadin Midowga Yurub welina aadan Hoggaanka socdaalka ka diiwaangelin xaqaada joogitaanka dalka)
  • shahaadada guurka ee asalka ah (haddii aad guursatay)
  • shahaadooyinka asalka ah ee dhalashada carruurta (haddii aad leedahay carruur 18 sano ka yar, kuwaas oo Finland u soo guuraya)
  • ogow in lagaa rabo in aad shaciyeyso dukumentiyada ay bixisay hay’ad kale oo aan ka tirsaneyn dal Midowga Yurub ama Waqooyiga Yurub ah. Tusaale ahaan haddii aad heysato shahaadada guurka ee lagaa siiyay Mareykanka.

Haddii aad tahay muwaadin wadan kale:

  • baasaboor shaqeynaya
  • sharciga degenaanshaha (haddii sharciga degenaanshaha aad Finland ugu baahan tahay)
  • haddii loo baahdo caddeynta shaqada Finland laga qabanayo ama waxbarashada ( tus. heshiiska shaqada ama shahaadada joogitaanka ee ay goobta waxbarashadu bixisay) ama caddeyn kale oo lagu sababeynayo diiwaangelinta
  • shahaadada guurka ee asalka ah oo la sharciyeeyay (haddii aad guursatay)
  • shahaadooyinka asalka ah ee dhalashada carruurta oo la sharciyeeyay (haddii aad leedahay carruur 18 sano ka yar, kuwaas oo Finland u soo guuraya)

Sharciyeynta dukumentiga

Waa in xafiiska diiwaangelinta tustaa dukumentiga asalka ah ama nuqulkiisa oo si lagu kalsoonaan karo loo caddeeyay saxnimadiisa. Nuqulka waxaa saxnimadiisa si lagu kalsoonaan karo u caddeyn kara hay’adda bixisay dukumentiga ama nootaayada guud ee dalkaas.

Si xafiiska diiwaangelintu uu ugu qoro macluumaadkaada nidaamka macluumaadka dadka, dukumentigu waa in uu ahaadaa mid la shirciyeeyay. Haddii uu dalkaadu ku biiray heshiiska caalamiga ah ee Hague, u samee dukumentigaada shahaadaa Apostille.

Uma baahnid shahaadada Apostille, haddii aad heysato dukumenti guud oo ay bixisay hay’ad ka tirsan wadan Midowga Yurub ah. Si kastaba ha ahaatee waxaad dokumentiga guud in aad ku lifaaqdo u baahan kartaa foomamka istaandarka ah ee loo kaalmeysto turjumaadda. Foomamkan istaandarka ah waxaa weydiin kartaa hay’adaha dowliga ah ee dalkaada oo aad caddeynta ka codsaneyso. Waxaa kale oo beddelkeeda la sameyn karaa in dukumentiga uu turjumo turjubaan ka sharciyeysan wadan Midowga Yurub ah.

Ogow in dukumentigu uu ku qornaado luqada Finnishka, Iswidhishka ama Ingiriis. Haddii uu dukumentigaadu ku qoran luqad kale, waa in aad ku dadaashaa in loo turjumo Finnish, Iswidhish ama Ingiriis. Dukumentiga waxaa turjumi kara turjubaan qoraal oo rasmi ah. Haddii turjumista lagu sameeyay dibadda, turjumaadda xittaa waa in la sharciyeeyaa.

Haddii aad u baahan tahay macluumaad dheeraad ah oo ku saabsan sida aad u sharciyeyn karto dukumentiga, la xiriir xafiiska diiwaangelinta ama wasaaradda arrimaha dibadda ee dalkaada.

Sumadda aqoonsiga Finnishka

Sumadda aqoonsiga waxaad ka heleysaa Hoggaanka socdaalka, marka lagu siiyo sharciga degenaansha Finland ama marka la diiwaangeliyo xaqaada joogitaanka muwaadinka Midowga Yurub.

Sumadda aqoonsiga Finnishka waxaad sidoo kale ka heli kartaa:

  • Xafiiska diiwaangelinta
  • xafiiska canshuuraha, haddii aad canshuur darteed u baahan tahay sumadda

Sumadda aqoonsiga Finnishku waa taxane dheer oo ka kooban 11 nambar kaaso o ka sameysma taariikhda dhalashadaada iyo jinsigaaga. Sumadda aqoonsiga waxaad ugu baahnaan kartaa tusaale ahaan shaqo-bixiyahaada ama machadkaada waxbarashada. Wuxuu sidoo kale fududeeyaa ka arimeysiga kala duwan ee hay’adaha dowladda.

Haddii aad sumadda aqoonsiga ka heshay meel aan aheyn xafiiska diiwaangelinta islamarkaasna aad u baahan tahay guri degmo, waa in aad mar kasta tagtaa xafiiska diiwaangelinta. Ka aqri macluumaad dheeraad ah bogaa InfoFinland Guri degmo ee gudaha Finland.

linkkiMaistraatti:
Diiwaangelinta ajaanibtaFinnish | Iswidish | Ingiriis

linkkiVerohallinto:
Diiwaangelinta ajaanibta ee xafiiska canshuurahaFinnish | Iswidish | Ingiriis

Isu diiwaangelin degene
  • Guri degmo ee gudaha Finland