Perheenjäsen Suomessa

Xubin qoys oo Finland joogta

Haddii aad doonayso in aad u soo guurto xubin qoyskaada ka tirsan oo Finland deggan islamarkaasna aad tahay muwaadin u dhashay wadan aan ahayn Midowga Yurub ama Waqooyiga Yurub, waxaad u baahantahay sharciga deganaanshaha.

Dhammaan xubnaha ma wada helayaan sharci degenaasho. Sharciga caadiyan waxaa heli kara qofka degen Finland lamaanihiisa, carruurtiisa da’da yar iyo da’ yarta codsaneysa waalidkood. Inta badan waxaa shardi ah ruuxa deggan Finland, inuu heysto hanti ku filan si uu u masruufo ruuxaas ugu imaanaya Finland.

Fayruska Koronaha iyo u soo guuridda Finland

Dhaqdhaqaaqa gaadiidka ee xuduudda Finland waa la xaddidayaa. Weli waxaa waddamo badan ka jira awaamiirta karaantiilka. Faahfaahin dheeraad ah oo ku saabsan saameynta fayruska Korona ku yeeshay sharciga deganaanshaha ka aqri bogga InfoFinland Fayruska Korona iyo u soo guuridda Finland.

Shaqada iyo waxbarashada

Haddii aad heysato sharciga deganaanshaha oo xiriir qoys ku saleysan, waxaad xaq u leedahay in Finland ka shaqeysato waxna ka barato.

Haddii aad sharciga deganaanshaha ee ugu horreeya aad Finland ka codsato, xaq uma lihid in aad shaqeyso kahor inta oggolaanshaha lagaa siinayo.

Faahfaahin dheeriya , sidey xubnaha qoyska ku heli karaan sharciga degenaanshaha waxaad ka heleysaa bogga InfoFinlandi Sharciga degenaansha lamaanaha, Sharciga degenaanshaha carruurta ama waalidka, Sharciga degenaansha ehelka kale.

Haddii aad rabti inaad soo booqato reerkaaga Finland, waxaad xog dheeriya oo la xiriirta ka heleysaa bogga InfoFinlandi Joogis yar Finland.

linkkiMaahanmuuttovirasto:
Xiriir qoys ku imaanshaha FinlandFinnish | Iswidish | Ingiriis