Nolosha Finland

Turvapaikanhakijana Suomeen

Ku imaanshaha Finland magangalyodoonimo

Sidee ayaad u weydisan kartaa magangelyo Finland?

Finland magangelyo waad ka codsan kartaa haddii aad heysato sabab cad oo aad uga cabsaneyso in wadankaada laguugu cadaadiyo. Naftaada oo kaliya ayaad u codsan kartaa magangelyo. Kuma codsan kartid iyada tusaale ahaan xaaladda xubin qoyskaada ah darteed.

  • Si shaqsi ah u samee codsiga magangelyada
  • codsiga waa in laga sameeyaa booliska, ilaalaha xuduudaha ama saraakiisha kastamka
  • samee codsiga islamarka aad soo gaarto Finland
  • si sax ah u sheeg sababta aad magangelyada u codsaneyso

Magangelyo lagama codsan karo

  • Safaaradaha dibadda ee Finland ama iyadoo iyaga la soo marayo,
  • Iyadoo qoraal ama emayl aad kula soo xiriirayo wadanka dibadiisa.

linkkiMaahanmuuttovirasto:
Magangalyo weydiisashada Finland Finnish | Iswidish | Ingiriis

linkkiMaahanmuuttovirasto:
Buug yar oo ay ku qoranyihiin macaluumaad la xiriira codsiga magangalyadaFinnish | Iswidish | Ingiriis | Ruush | Faraansiis | Soomaali | Bershan | Carabi | Kurdish

Qaxootiga ka imaanaya nawaaxiga Midowga Yurub

Nawaaxiga dowladaha Midowga Yurub (iyo Swizerland, Norwey, Island iyo Liechtenstein) waa in laga codsadaa magangelyada wadanka aad markaas ku soo hormartey. Haddii aad magangelyo ka codsatey wadamada Midowga Yurub (ama Swizerland, Norwey, Island iyo Liechtenstein) intaadan imaan Finland, codsigaaga halkan lama qaban doono. Hadey sidaa dhacdana inaad horey u soo codsatey magangelyo waxaa laguu celinayaa wadankii ugu horeeyey eed ka codsatey.

Macluumad la xiriira sida loogu soo guuro dowladaha Midowga Yurub waxaad ka heleysaa bogga InfoFinlandi Muwaadiniinta EU.

linkkiMaahanmuuttovirasto:
Iskadhaafida baaritaanka codsiga magangalyo doonkaFinnish | Iswidish | Ingiriis

Ka baaraandegista codsiga iyo joogista Finland

Waa wax caadi ah in falanqaynta dalabku ay qaadato bilo aad u badan. Marka aad codsato magangelyo, waxaad xaq u leedahay inaad joogto Finland ilaa iyo waqtiga uu ka baaraandega codsigaadu qaadanayo. Waqtigaas inta lagu jiro dibadda uma safri kartid. Haddii aad safarto saraakiishu waxay go’aamin karaan in aan codsigaadu shaqeynayn.

Waqtiga laga baaraandegayo codsigaada magangelyada waxaad lacag la’aan ku deganaan kartaa xarunta qaabilaadda. Waxaad sidoo kale deganaan kartaa meel kale oo aan aheyn xarunta qaabilaadda, laakiin markaas waa inaad adigu iska bixisaa kharashka deegaanka.

Sidee ayaa codsiga looga shaqeynayaa?

Codsi kasta ee uu leeyahay magangalyo-doonku waxaa loo fiirinayaa si gaar ah ama shakhsiyan. Xafiiska dal u soo guurista ayaa ka baarandegaya codsigaaga magangalyada xafiiska ayaan go’aan ka gaaraya in lagu siiyo sharciga qaxootinimada ama ruqsada daganaanshada. Xafiiska dal u soo guuristu wuxuu kuugu yeerayaa waraysiga codsiga magangalyada, kaasoo lagu baarayo in lagu siin karo sharciga qaxootinimada ama inaad heli karto ruqsada daganaanshada Finland oo ku salaysan sababo kale oo aad ugu baahan tahay badbaadin in lagu siiyo. Waxaad xaq u leedahay inaad isticmaashid turjubaan, waxaana qabanaya Xafiiska dal u soo guurista.

linkkiMaahanmuuttovirasto:
Ka baaraandegsita codsiga magangalyadaFinnish | Iswidish | Ingiriis

Xaqa sameynta shaqada ee magangelyo doonka

Shaqo mushaar lagu qaadanayo waad ka sameyn kartaa Finland marka dhigista codsigaadi magangelyo doonnimada laga soo wareegay saddex bilood haddii aad heysato dokumenti safar oo shaqeynaya. Haddii aadan heysan dokumenti safar waxaad shaqo mushaar lagu qaadanayo ka sameyn kartaa Finland marka aad lix bilood joogto.

linkkiMaahanmuuttovirasto:
Xuquuqda shaqada ee qofka magangalyo doonka ahFinnish | Iswidish | Ingiriis

Magangelyo doonka aan qaangaarin

Haddii magangelyo doon ka yar 18 sano uu soo gaaro Finland isagoo aysan la socon cid ka mas’uul ah, waxaa Finland looga sameynayaa qof dantiisa ilaaliya, kaas oo ilaalinaya in danta cunuggu qabsoontay mudada codsiga magangelyadu socdo. Magangelyo doonka ka yar 16 sano iyo magangelyo doonayaasha carruurtooda kayar 16 sano waxay xaq u leeyihiin inay iskuul ka dhigtaan Finland.

linkkiMaahanmuuttovirasto:
Cunugga Finland yimid mas'uul la'aan(pdf, 674)Finnish | Iswidish | Ingiriis | Ruush | Faraansiis | Isbanish | Shiino | Bershan | Carabi | Kurdish

Caawimaadda sharciga ee dadka magangelyo doonka ah

Qaxootiga, magangelyo doonka iyo ajaaniibta kaleba waxay la-talin iyo caawimaadba dhinaca sharciga ah weydiisan karaan ururka La-talinta qaxootiga. La-talinta qaxootigu wuxuu bilowga hore ee habsami socodka magangelyada siiyaa dadka magangelyo doonka ah. Caawimaadda qaxootigu wuxuu isna talo siiyaa dadka aan Finland ku heysan ogolaanshiyaha joogitaanka.

linkkiPakolaisneuvonta ry:
Cawinaad xagga sharciga ah ee la siiyo qaxootigaFinnish | Iswidish | Ingiriis

Magangalyada iyo Sharciga deganaanshaha wadanaka/ciqaamadda

Finland waad joogi kartaa haddii lagu siiyo magangalyo ama aad sababo kale awgeed ku heshid sharciga deganaanshaha Finland/ciqaamadda. Waxaa lagu siin karaa magangalyo aad ku joogto dalkan Finland, haddii howl-wadeenada dowladu ay u arkaan in dalkaagii aad kala kulmeyso dhibaatooyin lagaugu dabagalayo oo la xiriira

  • asalkaaaga aad ka soo jeedo
  • diintaada
  • dhalashadaada/jinsiyadaada,
  • ka mid ahaanshaha koox bulshadeed la yaqaan ama cayiman
  • ama aragtidaada siyaasadeed awgeed

Haddii aadan magangalyo ka helin Finland , waxaa xaaladaha qaarkood heli kartaa ama lagu siin karaa ciqaamadda lagu saleeyay tan heerka labaad ee laguugu ogolaanayo deganaanshaha Finland. Ogolaanshaha ama ciqaamadda noocaan ah waxaa lagu siin karaa, marka ay jirto xaalad khatar ah oo kugu soo wajahan, sida:

  • in lagugu xukumey ciqaabta dilka toogasho ama daldalis;
  • jirdil, ciqaab ama in si kale oo bani’aadninimada ka baxsan laguula dhaqmo;
  • khatar shakhsiyeed aad u daran oo ku soo waajahday, taasoo keeneysa dhibaato ama iskahorimaad hubeysan

Marka aad dalbaneyso magangalyada, xafiiska socdaalka ee qaabilsan arimaha dadka waddanka u soo guurey, waxaa ay isla waqtigaa baaritaan ku sameeynayaan, in ay jirto in aad ku heli karto sharciga deganaanshaha Finland sababo kale.

Haddii duruufaha dalkaaga ka jira ay yihiin kuwo aanad u baahnayn in lagu siiyo magangalyo, ama shirciga ogolaanshaha degenaanta Finland ee heerka labaad lagu saleeyay, islamarkaana aaney jirin wax sababo kale ah oo deganaasho laguugu ogolaan karo, codsigaaga waa la diidayaa, adigana waxaa lagaa celinayaa dalkan Finland.

linkkiMaahanmuuttovirasto:
MagangalyoFinnish | Iswidish | Ingiriis

linkkiMaahanmuuttovirasto:
Ogolaanshaha joogitaanka ee sababo kale lagu bixiyayFinnish | Iswidish | Ingiriis

linkkiMaahanmuuttovirasto:
Dib u celinta qofka magangalyodoonka ahFinnish | Iswidish | Ingiriis

Racfaan ka qaadashada go’aanka xafiiska dal u soo guurista

Haddii go’aan diidma ah lagaa siiyay codsigaadi magangelyo doonka ama codsigaadi ogolaanshiyaha joogitaanka, waxaad fursad u heysataa inaad racfaan ka qaadato go’aanka. Go’aan quseeya magangelyada ama ogolaanshiyaha joogitaanka waxaa racfaan looga qaadan karaa maxkamadda maamulka. Hagis sameynta rafcaanka wuxuu ku lifaaqan yahay go’aanka. Faahfaahin dheeraad waxaad ka heleysaa Xafiiska dal u soo guurista.

linkkiMaahanmuuttovirasto:
Abiil ka qaadashada goaanka diidmada magangalyadaFinnish | Iswidish | Ingiriis

Dhibaatooyinka ogolaanshiyaha joogitaanka?

Macluumaad ku saabsan arrimaha ogolaanshiyaha joogitaanka waxay sidoo kale ku jiraan bogga InfoFinlandi Dhibaatooyinka Ogolaansha deganaanshaha.

Magangelyo ka codsaha Finland

Bogga InfoFinlandi Magangalyo doon waxaad ka heleysaa xog dheeri ah oo la xiriirta magangelyo ka codsanimada.