Nolosha Finland

Ulkomainen tutkinto Suomessa
theme icon

Shahaadooyinka ajnabiga markii la keeno Finland

Haddii aad shahaado ka soo qaadatay dibadda, waxaa adiga faa'iido kuu lahaan kara isbarbardhiga shahaadada, aqoonsashada aqoonta xirfadeed, helitaanka xuquuqda ku shaqeysashada xirfadda ama shahaadada muujinta aqoonta.

Isu dhiganka iyo aqoonsashada shahaadada

Aqoonsashada shahaadada waxaa loola jeedaa go'aanka sida shahaado dibadda laga soo qaatay ay loogu helikaro waxbarasho ama shaqo loogu raadsan karo. Aqoonsashada shahaadadu waa lacag waxaana laga codsadaa Maamulka Waxbarashada. Marka aad codsaneyso boos waxbarasho, aqoonsashada shahaadada qasab looguma baahna.

Aqoonsasada xirfadeed iyo xuquuqda ku shaqeynta xirfadda

Shaqooyinka qeybaha guud (dowladda iyo degmooyinka) dadka codsanaya waa inay inta badan buuxiyaan waxyaabaha la iska doonayo ee xirfadda la xiriira. Marka qof dibadda wax ku soo bartay uu codsanayo shaqooyinkan wuxuu inta badan u baahan yahay go'aanka Maamulka waxbarashada ee shahaadado xilka xafiiseed ee ay buuxineyso.

Xirfadda la xeeray waxaa loola jeeda shaqada qofka codsanaya laga doonayo in uu heysto shahaado ama waxbarashooyin cayiman oo uu sharcigu dejiyay. Xirfadaha la xeeray waxaa ku jira shaqooyin qeybaha guud ah iyo xirfado loogu baahan yahay xuquuqda ku shaqeynta xirfadda. Xuquuqda ku shaqeynta xirfadda waxaa loogu baahan yahay tusaale ahaan xirfadaha daryeelka caafimaadka iyo badmaaxa.

Haddii aad heysato shahaado aad dibadda ka soo qaadatay oo Finland uga jirta xirfadaha la xeeray , waxaad u baahantahay go'aan saraakiisha ee u dhigma xirfada kahor inta aadan xirfadda ku sameyn Finland. Bogagga shabakadda Wasaaradda waxbarashada waxaa ku jira liiska xirfadaha la xeeray iyo saraakiisha ka mas'uulka ah.

Shaqo bixiyaha qeybta waxbarashada ee gaarka ah ayaa iskiis u qiimeynaya in uu aqbalayo shahaadada dibadda laga soo qaatay. Qeybta gaarka ah la isagama baahna go'aanka aqoonsashada, laakiin waxay faa'iido u noqon kartaa raadsashada shaqada.

Maamulka waxbarashadu waxaa kale oo uu bayaan aqooneed ka bixiyaa shahaadooyinka xirfadda ee dibadda laga soo qaatay. Bayaanku shahaadada Finland kuma siinayo inay ay ka shaqeyso. Si kastoo ay ahaataba waxay kaa caawin kartaa raadinta shaqada ama booska waxbarashada, sababtoo ah waxaa bayaankaas lagu sawirayaa heerka iyo waxyaabaha lagu bartay shahaadada dibadda laga soo qaatay.

Aqoonsashada akadeemiga ah

Haddii aad doon inaad waxbarashadaada ka sii wadato Finland, maadooyinka dibadda lagu soo qaatay waxaa xisaabta lagula daran karaa iyadoo la kaalmeysanayo aqoonsashada akadeemiga ah.

Aqoonsashada akadeemiga ah ee shahaadooyinka waxaa loola jeedaa

  • codsashada waxbarasho iyadoo lagu saleynayo shahaado dibadda laga soo qaatay
  • qeyb ahaan u qaadashada waxbarashada Finland lagu qaadanayo maadooyinka dibadda lagu soo qaatay

Qeybaha waxbarashadu iyaga ayaa go'aansanaya xulashada ardaydooda iyo u aqabalayaan maadooyinka dibadda lagu soo qaatay qeyb ahaan waxbarashada Finland lagu qaadanayo. Faahfaahin dheeraad ah toos u weydii qeybta waxbarashada ee aad dooneyso inaad wax ka barato.

linkkiOpetushallitus:
Aqoonsiga shahaadadaFinnish | Iswidish | Ingiriis

linkkiOpetushallitus :
Qoraalka aqoonsashada shahaadada (pdf, 102,14 kt)Finnish | Iswidish | Ingiriis | Ruush | Estoniyan | Faraansiis | Isbanish | Shiino | Bershan | Carabi

linkkiOpetushallitus :
Shaxda aqoonsashada shahaadada(pdf, 410,87 kt)Finnish | Iswidish | Ingiriis | Ruush

linkkiTyö- ja elinkeinoministeriö:
Aqoonsashada shahaadada waxbarashadaFinnish | Iswidish | Ingiriis

linkkiOpetushallitus:
Xirfadaha sharciyeynta u baahanFinnish | Iswidish | Ingiriis

linkkiOpetushallitus:
Taqriiraad la xiriira shahaadooyinka xirfadaha ee dalka dibadiisa laga soo qaatayFinnish | Iswidish | Ingiriis