Nolosha Finland

Suomen sosiaaliturva
theme icon

Ammaanka bulsho ee Finland

Boggan waxaa lagu sheegayaa ammaanka bulshada ee sababta looga dhigay dhinaca degista, kuwaas oo ay Keladu mas’uulka ka tahay. Bogga waxaa ku jira macluumaadka ku saabsan xaaladda laga eegayo inaad ku jirto xeyndaabka ammaanka bulshada ee ku saleysan degista.

Bogga InfoFinlandi Ammaanka shaqo la’aanta waxaad ka heleysaa macluumaad dheeraad ah oo ku saabsan qofka xaqa u leh ammaanka shaqo la’aanta. Nidaamka hawlgabka Finland macluumaad ku saabsan waxaad ka heleysaa bogga InfoFinlandi Hawlgab.

Keladu waxybaaha ay mas’uulka ka tahay waxaa ka mid ah hawlgabka dadka, dheeraadka carruurta, ammaanka shaqo la’aanta ee aasaasiga ah, lacagta jiro maalmeedka iyo waalidka, lacagta kaalmada nolosha iyo baxnaanada. Keladu waxaa ay sidoo kale mas’uul ka tahay magdhawga daryeelka caafimaadka ee lagu bixiyo daryeelka caafimaadka gaarka loo leeyahay.

Haddii Finland lagaa geliyay ceymiska jirada, waxaad heleysaa kaarka Kelada.

Sharciga ayaa lagu qeexay maalmooyinka Kelada sababaha lagu bixiyo. Kmarka aad codsato manfacyada, Kela ayaa soo baaraysaa in aad manfacyada xaq u leedahay. Tan waxaa saameyn ku leeyahay degitaanka joogtada ah iyo ka shaqeynta Finland. Marka ay Keladu go’aamineyso kaalmo, codsada kasta waxaa si shaqsi ah looga baaraandegayaa xaaladdiisa nololeed.

Xaaladaha nololeed iyo baahida kaalmo ee codsashadayaashu waa kuwa inta badan kala duduwan. Sidaas ayeeyna tirada kaalmooyinka iyo sababahooduba u kala bedelan yihiin. Xaaldaada si gaar ah u cadee marwalba.

Adeegyada caafimaadka dadweynaha iyo adeegyada sooshalka ee Finland waxaa mas’uul ka ah degmooyinka.

Faahfaahin dheeraad ah ka sii aqri bogga InfoFinlandi Adeega caafimaadka ee Finland.

Macluumaad dheeraad ah oo ku saabsan xuquuqda degmadaada waxaad ka heleysaa bogga InfoFinlandi Guri-degmo Finland.

linkkiKela:
Macluumaad ku saabsan ammaanka bulshadaFinnish | Iswidish | Ingiriis

linkkiKela:
Ammaanka bulshada ee u soo guuraha Finland(pdf, 560 kb)Finnish | Iswidish | Ingiriis | Ruush | Estoniyan

linkkiKela:
Macluumaad ku saabsan ceymsika jiradaFinnish | Iswidish | Ingiriis

linkkiSosiaali- ja terveysministeriö:
Macluumaad ku saabsan ammaanka bulshada FinnishkaIngiriis

Xaqa u lahaanshaha anfacyada Kelada

Xeerka ugu horeeya waa in haddii aad Finland si joogto ah u deggan tahay, aad heli karto mafacyada Kelada. Sharciga ayaa qeexaya waxa loola jeedo joogto u degananaashaha.

Sidoo kale ka shaqeynta Finland ayaa xaq kuu siin karta manfacyada Kelada.

Xaq ma u leedahay manfacyada? Arrinta waxaa saameyn ku leh, inaad uga soo guureyso

  • wadan Midowga Yurub (EU) ka tirsan ama wadan ka tirsan Soonaha dhaqaalaha Yurub (ETA) ama Switzerland
  • wadan ay Finland wada leeyihiin heshiiska ammaanka bulshada; ama
  • wadan kale

Wadamada ETA waa wadamada Midowga Yurub, Norway, Iceland iyo Liechtenstein

Waxa kale oo intaas dheer oo saameyn ku leh in aad heleyso manfacyada, in aad Finland ugu soo guureyso tusaale ahaan

  • sidii shaqaale ama shirkadle oo kale
  • arday oo kale
  • xubin qoys ka mid ah
  • shaqaale la soo diray.

Finland waxay heshiis saameeya ammaanka bulshada la gashay dalal. Wadamadaas waxay yihiin wadamada Waqooyiga ama Nordikada Mareykanka, Kanada iyo Quebec, Chile, Israa’iil, Hindiya, Shiinaha, Kuuriyada Koonfureed iyo Austraaliya. Heshiiyadu waxay saameeyaan ugu dhowaan hawlgabka. Heshiisyada qaarkood waxaa kale oo ay saameeyaan daryeelka caafimaadka. Haddii aad ka timaado dalalkaas midkood Kelada ka hubso in heshiisyadu saameyn ku yeelanayaan ammaankaada bulsho.

linkkiFinlex:
Sharciga degmo-gurigaFinnish | Iswidish

linkkiKela:
Macluumaad ku saabsan heshiiska ammaanka bulshada ee wadamo kala duduwan u dhexeeyaFinnish | Iswidish | Ingiriis

linkkiKela:
Macluumaad ku saabsan ammaanka bulshada Finland ee loogu talagalay muwaadiniinta Midowga YurubFinnish | Iswidish | Ingiriis

Joogto ugu soo guurista Finland iyo joogto u deganaanshaha Finland

Marka aad Finland u soo guurto, Kelada ayaa qiimeyneysa markasta inaad Finland ugu soo guurtay degis joogto ah oo ka duwan sida uu dhigayo sharciga ammaanka bulshada.

Haddii aan loo arko in u soo guuristaada Finland aysan aheyn mid joogto waxaad xaq u yeelan karaysaa inaad shaqadaada darteed ku hesho xaqa manfacyada Kelada.

Waxaa qiimeyn lagu sameyn karaa, in tusaale ahaan waxaad Finland ugu soo guuri kartaa si joogto arrimaha soo socda:

  • waxaad tahay dib u soo guure, yacni waxaad ka soo laabatay dibadda si aad u degto Finland
  • waxaad heysataa heshiis shaqo oo joogto ah ama wax u dhigma oo aad Finland ku sameyneyso
  • waxaad is qabtaan ama si kale xiriir qoys ula leedahay qof kasoo, si joogto ah u deggan Finland

Waxaa kale oo inta badan la doonayaa in ogolaanshaha joogitaanka uu shaqeynayo, haddii ay waajib kugu tahay inaad qaadato ogolaanshaha joogitaanka.

Qiimeyn guud ayaa xaaladda lagu sameynayaa. Iyadoo taas lagu saleynayana waxaa la eegayaa in degenaashuhu yahay mid joogto ah iyo in uusan aheyn.

Haddii aad Finland si ku meelgaar ah ugu soo guurtay inta badan xaq uma lihid manfacyada Kelada. Laga billaabo 1.4.2019 ardayga ka imaanaya meel ka baxsan Midowga Yurub ama Soonaha ETA wuxuu xaq u lahaan karaan manfacyada Kelada qaarkood, sida manfacyada caymiska jirada..

Marka la sameeyo go’aan ah inaad joogto u deggan tahay Finland waxaa laguu aqoonsanayaa qof Finland joogto u deggan ilaa aad:

  • guri rasmi ah ku leedahay halkan; islamarkaasna aad inta badan joogto halkan

ama

  • aad si rasmi ah ugu joogtid sababo awgood, tusaale ahaan xiriir eheltinimo ama shaqo

Haddiise aad shaqo ka bilowdo wadan kale ama aad dibadda lix bilood wax ka badan ku maqnaato, xaqaadi manfactada Keladu waa ay dhammaan karaan. Macluumaad dheeraad ah oo ku saabsan xaaladan waxaad ka heleysaa Kelada.

Waxaa kale oo jiro kaalmooyin kale oo aadan heli karin haddii aadan Finland hadda ama horay ugu deganeyn joogto. Tusaale ahaan lacago maalmeedka waalidka ayaa waalidku heli karaan oo kaliya haddii ay deganaayeen Finland 180 maalmood kahor waqtiga loo qabtay dhalista cunugga. Haddii aad ka timid wadan kale oo Midowga Yurub ka tirsan waxaad xaaladaha qaarkood uga faa’iideysan kartaa inta aad ku jirto xilliga caymiskaada ee kuugu uruuriya wadan kale oo Midowga Yurub ka tirsan. Weydii xarunta arrimaha caalamiga ah ee Kelada:

tel. 020 634 0200
saacadda 9-16

linkkiKela:
Ammaanka bulshada ee u soo guuraha FinlandFinnish | Iswidish | Ingiriis

linkkiKela:
Dibadda u guurista iyo ammaanka bulshoFinnish | Iswidish | Ingiriis

linkkiKela:
Macluumaadyada xiriirka ee KeladaFinnish | Iswidish | Ingiriis

Shaqeynta waxaad ugu yaraan qeyb ahaan ku geleysaa xeyndaabka ammaanka bulshada

Wadamada Miodwga Yurub, wadamada ETA iyo Switzerland

Haddii aad Finland uga soo guureyso shaqo darteed, waxaad inta badan mudada xiriirkaada shaqada heleysaa manfacyada Kelada haddii aad xittaa heysato heshiis shaqo oo wakhti gaaban ah.

Haddii uu mushaarkaadu yahay ugu yaraan 696,60 € bishi, waxaad xaq u yeelanaysaa manfacyada Kelada oo badan. Wax saameyn ah ma lahan, inta saacadood ee aad todobaadki ka shaqeyso ama xiriirkaada shaqadu inta uu gaarayo.

linkkiKela:
Shaqaalaha iyo ammaanka bulshada ee FinlandFinnish | Iswidish | Ingiriis

Magangalyo doon

Magangelyo codsadayaashu xaq uma laha ceyminta bulshada ee Finland. Taasi macnaheedu waa ineysan heleyn kaalmooyinka Kelada.

Xarumaha kaamka ayaa laga siinayaa lacagta qaabilaada. Lacagtaasna waxaa la siinayaa ilaa iyo inta codsigiisa magangelyo laga gaarayo go’aan. Cadadda lacagta qaabilaadu wey yartahay, waxaana loogu talo galey iney ka kaafiso kharashaadka waxyaabaha daruuriga ah.

Haddii magangelyo codsaduhu helo sharci daganaansha ah si rasmi ahna u degan yahay Finland markaa xaq ayuu u leeyahay ceyminta bulshada Finland. Ku cayminta bulshada Finland waa in laga codsadaa Kelada kadib markii sharciga deganaansha la siiye.