Nolosha Finland

Seksuaaliterveys
theme icon

Caafimaadka galmada

Haddii aad rabto macluumaad ama cawinaad la xiriirta arimaha caafimaadka galmada, waxaad la xiriiri kartaa xaruntaada caafimaadka (terveysasema). Waxaad talo weydiin kartaa kalkaaliyaha caafimaadka (terveydenhoitaja) ama dhkhtarka (lääkäri) ayaad waqti ka qabsan kartaa. Tusaale kaniinida ka hortaga uurka awgiis waxaad u baahantahay rajeeto uu dhakhtarka oo keliya uu qori karo. Adeegyada xarunta caafimaadka waxaad xaq u leedahay haddii aad Degan Degmo ku yaalo Finland.

linkkiVäestöliitto:
Galmada dhalinyaradaFinnish | Ingiriis

linkkiVäestöliitto:
Galmada dadka waaweynFinnish | Iswidish | Ingiriis

Caafimaadka seksuaalka dumarka

Baaritaanada gynekologiga ah waxaa sameeya qaar ka mid ah dhakhaatiirta dawlada ayadoo la adeegsanaayo adeegyada guud ee caafimaadka. Adeegyada guud ee caafimaadka xaq ayaad u leedahay haddii aad Degan Degmo ku yaalo Finland. Wixii warar dheeraad ah weydii xaruntaada caafimaadka. Waxaa ka dalban kartaa inaad la kulanto dhakhtar dumar ah, haddii aad dooneysid. Sidoo kale waxaad waqti ka qabsan kartaa gynekologiste ah oo khaas ah. Dhkhaatiirta khaaska ah aad ayey qaali ugu yihiin macaamiisha.

Dalka Finland dumarka waxaa loo sameeyaa baaritaan xagga kansarka ah (seulontatutkimus), kaas oo la isku dayo in waqti hore la helo kansarka naasaha iyo ilmo galeenka. Baarintaanka kansarka naasaha waxaa lagu sameeyaa dumarka da'doodu u dhaxayso 50-69 sano qiyaastii labadii sanoba hal mar, baaritaanka luqunta ilmogaleenka waxaa lagu sameeyaa dumarka da'doodu u dhaxayso 30-60 sano shantii sanoba mar. Haddii aad Degan Degmo ku yaalo Finland. xaq ayaad u leedahay baaritaanadaas.

linkkiSosiaali- ja terveysministeriö:
BaaritaankaFinnish | Iswidish | Ingiriis | Ruush

linkkiTerveyden ja hyvinvoinnin laitos:
Macluumaad ku saabsan baaritaanka kansarka naasahaFinnish | Iswidish

linkkiTunne rintasi:
Tilmaanta aqoonsashada kansarka naasaha(pdf, 440kt)Finnish | Iswidish | Ingiriis | Ruush | Estoniyan | Faraansiis | Soomaali | Isbanish | Shiino | Tayland | Romaniyan | Sami

linkkiSyöpäjärjestöt:
Macluumaad ku saabsan baaritaannada kansarkaFinnish | Iswidish | Ingiriis

Caafimaadka seksuaalka raga

Haddii aad Degan Degmo ku yaalo Finland, waxaad baaritaan xaaga cudurada ragga ah ka heli kartaa xaruntaada caafimaadka. Waxaad codsan kartaa inuu ku qaabilo dhakhtar nin ah. Adeega dhakhaatiirta khaaska ah macaamiisha aad ayey qaali ugu yihiin. Dhakhtarka ayaa warqad uu kuugu dirayo dhakhtarka gaarka ah kuugu qori kara poliklinikada cudurada ragga, haddii loo baahdo.

Ka hortaga uurka

Qalabka ka hortaga uurka waxaa lagu iibiyaa farmashiyaha. Sikoo dale cinjirka galmada waxaa lagu iibiyaa tusaale ahaan dukaamada cuntada. Si aad u heshid kaniiniyada ka hortaga uurku waxaad u baahantahay in dhakhtar kuu qoro, tusaale ahaan xarunta caafimaadka ama dhakhtar gaar ah oo ku takhasusay gynekologiyada. Sidoo kale waxaad waqti ka qabsan kartaa la talin ka hortaga uurka (ehkäisyneuvonta).

Wixii macluumaad dheeraad ah waxaad ka heleysaa InfoFinlandi bogga Ka hortaga uurka.

Bogga internetka ee ururka dad dhigida ayaa laga heli karaa macluumaad kaladuwan oo ka hadlaaya qalabka ka hortagida uurka.

Macaluumaadka la xiriira iska sooridida ilmaha waxaad ka heli kartaa InfoFinlandi bogga Iska sooridida ilmaha.

linkkiVäestöliitto:
Ka hortaga uurkaFinnish

Cawinaad ah xagga helitaanka ilmaha

Haddii uusan uurku si iskiis ah u bilaaban mudo sannad gudihiis ah, markii la joojiyey cunitaanka kaniiniyada ka hortaga uurka, arinta waa baari karnaa. Inta badan heletaanka ilmaha cawinaad ayaa loo heli karaa. Waxaad waqti baaritaan ka qabsan kartaa xarunta caafimaadka (terveysasema), dhakhtarka gynekologiga ama dhakhtar gaar ah ee klinikada carruur la'aanta (lapsettomuusklinikka). Waxaa wanaagsan in labada qofood oo is qabta ay tagaan balanta ayagoo wada socda. Baarintaanka waxaa lagu baarayaa sababta ilmo la'aanta keentay.

Cudurada galmada

Haddii aad ka shakisantahay inaad qabto cudur galmada lagu kala qaado, waxaad waqti ka qabsan kartaa dhakhtarka rugta caafimaadka ama kan xarunta caafimaadka ee gaar loo leeyahay. Magaalooyinka waaweyn cudurada galmada waxaa si gooni ah lagu daaweyaa poliklinikada cudurada galmada (sukupuolitautien poliklinikka). Wixii warar dheeraad ah weydii rugtaada caafimaadka.

Jabtada iyo cudurka gonorrheada waxaa lagu daweyn karaa atibiyotiga. Cudurada viruska sida biijada iyo honqoraha ka soobaxa xubnaha taranka, daawo laguma bogsiin karo gabi ahaan, laakiin daawadu way caawinaysaa.

Cudurka HIV faafkiisa waxaa ku yareyn karnaa daweyn. Daawada waa in la bilaabo waqtiga ugu horeya oo macquulka ah.

Isticmaalka kondomka ama cinjirku wuxuu kaa badbaadiyaa cuduro badan oo ku dhaca habdhiska galmada.

linkkiHivpoint:
Macluumaadka cudurada galmada -bandhig(pdf, 1500kt)Finnish | Ingiriis | Ruush | Faraansiis | Soomaali | Carabi | Kurdish | Tayland

linkkiHivpoint:
Warbixinta HIV-gaFinnish | Ingiriis | Ruush

linkkiHivpoint:
Nolosha wannaagsan ee hiv lala noolyahay -bandhigFinnish | Ingiriis | Ruush | Faraansiis | Soomaali | Carabi | Tayland

linkkiHivpoint:
Hiv qoyska ku dhexjira -bandhig(pdf, 881 kb)Finnish | Ingiriis | Ruush

Gudniinka wiilasha

Gudniinku (Ympärileikkaus) waa wax marka la sameeyo anan dib loola noqon karin. Haddii loo sameeyo sabab anan caafimaad ahayn waa qaliin lagu faragalinayo wiilka jidhkiisa iyo xaqqa uu u leeyahay in uu lamataabtaan ahaado. Gudniinka waxa fulin kara oo kaliyaata dhakhtar sharciyaysan. Si gudniinka loo fuliyo waa in la haystaa oggolaanshaha waalidka oo qoran. Haddii ilmahu uu leeyahay labo waalid waa in la helaa labada waalidba oggolaanshohooda oo qoran. Haddii la waayo lama gudi karo wiilka. Wiilku waxa uu xaq u leeyahay in uu diido gudniinka. Lama gudi karo ilmaha isagoonan kahor uunan dhakhtarku kababyaynin. Waana in lagu sameeyaa jawi steriil ah ama ka nadiif ah jermiska oo dhan oo la maamulo, sida isbitaalada qolalkooda qalliinka oo kale. Gudniinka anan loo samaynin sabab caafimaad ma aha wax xarumaha caafimaadka ee degmooyinka iyo dowladu leedahay wax lagu samayn karo, waana in uu qofku lacgta iska bixiyaa isagu.

Macluumaad faahfaahfan oo ku saabsan gudniinka waxad waydiin kartaa xarunta hooyooyinka iyo dhallaanka, dhakhtarka xaruntaada caafimaadka, kalkaalisada iskuulka ama dhakhtarka iskuulka.

Gudniinka gabdhaha

Gudniinka (ympärileikkaus) gabdhuhu dalka Finland wuxuu ka yahay dambi. Waxaana lagu mutaysan karaa sanado badan oo xabsi ah. Waxaa kale oo dambi ah in gabadha loo wado wadan kale, si halkaas loogu soo gudo.

Haddii lagu guday ka hor intii aaadan Finland imaan, oo aad qorshayneysid inaad uur yeelato, waxaa lagugu sameyn karaa qaliin furitaan guniin ah (avausleikkaus). Qaliinka waxaa ugu fufud in la sameeyo inta uusan uurku bilaaban, lakiin waa la samayn karaa inta aad uurka leedahay dhexdeeda. Qaliinka furitaanka gudniinku wuxuu fududaynyaa dhalmada iyo baaritaanada inta aad uurka leedahay. Qaliinka waxaa lagu sameeyaa isbitaalada, inta badan ka bogsoonta qaliinku waxay qaadataa 1- 2 maalmood.

linkkiAfrican Care:
Gudniinka gabdhaha iyo dumarkaFinnish | Ingiriis | Soomaali | Carabi