Asuminen Helsingissä

Deganaanshaha Helsinki

Helsinki waxaa laga helaa fursado degaan oo noocyada badan sida guryaha dabaqyada ah, guryaha sida gaarka ah loo leeyahay, guryaha la kireysto, guryaha la leeyahay. Inta badan dadka reer Helsinki waxay deggan yihiin guryo dabaqyo ah. Qiimaha guryuhu waa kuwa ku kala duduwan xaafadaha magaalada, Xaafadaha magaalada Helsinki oo dhan oo kuwa ammaan ah oo la degi karo, gaadiidka dadweynuhu si fiican ayuu u shaqeynayaa. Faahfaahin dheeraad oo ku saabsan gaadiidka dadweynaha ka sii akhri bogga InfoFinland Warar ku saabsan Helsinki.

Guri kiro

Ku dhowaad kala bar reer Helsinki waxay deggan yihiin guryaha la kireysto. Guryaha waxaa kireeya shirkado badan, magaalada Helsinki, shakhsiyaad gaar ah iyo qolooyin kale. Waxaa shaqo-bixiyahaada weydiin kartaa guryaha xiriirka shaqada. Qiimaha guryaha la kireysto ee Helsinki ku yaal waxaa saamey ku leh cabbirka guriga, meesha uu ku yaal iyo xaaladdiisa. Meelaha ka baxsan bartamaha magaalada Helsinki qiimaha kiradu waa jaban yahay. Inta badan guryaha ka kooban labo qol iyo jiko ee Helsinki ku yaal waa qiyaastii 800-1100 yuuro bishiiba, sidoo kale inta badan guryaha ka kooban saddex qol iyo jiko waa qiyaastii 1000-1500 yuuro bishiiba. Kirada guryaha qalabaysan intaas waa ka yara qiimo badan yihiin. Kirada ka sokow, qofka guriga deggan waa in uu bixiyaa biilka korontada, lacagta biyaha, caymiska guriga iyo Internet laga yaabo in uu ku jiro. Waxaa kale oo ay tahay in la bixiyo dibaajiga kirada, taas oo inta badan ah mid u dhiganta 1-3 bil kiradood. Waxaa la soo celinayaa marka guriga laga guuro.

Faahfaahinta dheeraadka ah ee ku saabsan sida guriga la kireysto loo raadiyo, heshiiska kirada iyo dukumentiyada ka sii akhri bogga InfoFinland: Guri kiro iyo Heshiiska kirada.

Guryaha la kireysto ee gaarka loo leeyahay ee Helsinki ku yaal

Guryaha yaryar waa nooca si badan laga raadiyo Helsinki. Waxaa wanaagsan in guriga laga codsado deegaan ballaaran. Markaas waxaad heysataa fursad weyn oo aad guri ku heli karto. Shirkadaha Sato iyo VVO & Lumo waxaa celcelis ahaan guryaha looga helaa jadwal ka degdeg badan kuwa kale. Waxaa wanaagsan in isku wakhti meelo badan laga codsado guriga. Macluumaadka ku saabsan guryaha la kireysto ee Helsinki ku yaal waxaad ka raadsan kartaa adeegyo-shabakadeedyo kala duduwan.

linkkiKojamo Oyj:
Shirkadda midowga VVOFinnish | Iswidish | Ingiriis

linkkiOikotie.fi:
Kiro codsiga gurigaFinnish

linkkiVuokraovi.com:
Kiro codsiga gurigaFinnish | Ingiriis

Guryaha la kireysto ee magaalada Helsinki

Guryaha la kireysto ee magaalada Helsinki (guryaha ARA) waa ka jaban yihiin qiimo ahaan kuwa gaarka loo leeyahay. Intaas waxaa dheer, looma baahna in dibaaji laga bixiyo. Guryaha la kireysto ee magaalada waxaa bixiya adeegga Guryaha Stadi. Guryaha la kireysto ee magaalada Helsinki waxaa lagu codsan kartaa saddex qaabood.

  1. Haddii aad isticmaasho aqoonsiga bangiga ee shabakadda, ka buuxi codsiga danqabsashada elegtroonigga ah ee magaalada Helsinki.
  2. Haddii aad guriga codsanayso adigoo aan heysan aqoonsiga bangiga shabakadda, ka buuxi codsiga elegtroonigga ah bogga stadinasunnot.fi.
  3. Goobta adeegga Stadin asunnot ayaad sidoo kale tegi kartaa kaddibna ka buuxsan kartaa codsiga warqadda ah.

Stadin asunnot
Sörnäistenkatu 1
Tel. (09) 310 13030

Si aad u codsato guryaha la kireysto ee magaalada, waa in aad heysataa sharciga deganaanshaha dalka oo shaqeynaya ugu yaraan sannad. Guryaha magaalada dad badan ayaa codsada. Guryaha la kireysto ee magaalada Helsinki waxaad warkooda ku soo weydiin kartaa emaylka stadinasunnot(at)hel.fi ama Chatka guryaha Stadi.

linkkiHelsingin kaupunki:
Guryaha magaaladaFinnish | Iswidish | Ingiriis

linkkiHelsingin kaupunki:
Dan qabsashada elegtroonigga ah ee HelsinkiFinnish | Iswidish | Ingiriis

Degista ardayga iyo da’yarka

Haddii aad si rasmi ah wax u barayo, waxaad guryaha la kireysto ka codsan kartaa HOAS. Waxaad sidoo kale machadka aad dhigato weydiin kartaa guryaha la kireysto ama waxaad weydiin kartaa adeegga Stadin asunnot.

HOAS (Helsingin seudun Opiskelija-asuntosäätiö)

Tel. (09) 549 900
Emaylka asumispalvelut(at)hoas.fi ku soo weydii macluumaad ku saabsan guryaha la kireysto ee ardayda

linkkiHOAS:
Guryaha la kireysto ee ardaydaFinnish | Iswidish | Ingiriis

Faahfaahinta dheeraadka ah ee degista ardayga ka sii akhri bogga InfoFinland Degista ardayda.

Guryaha la kireysto oo qiimo macquul ah ee loogu talagalay dhallinyarada waxaad weydiin kartaa Ururka guryaha dhallinyarada ama rugta talabixinta ee Mu’asasada dhallinyarada. Waxaa laga yaabaa in ay qasab kugu noqoto in aad sugto guriga la kireysto. Guryaha la kireysto ee dhallinyarada loogu talagalay waxaa sidoo kale la weydiin karaa ururo iyo mu’asasooyin kala duduwan.

linkkiNuorisoasuntoliitto:
Guryaha la kireysto ee loogu talagalay dadka ka yar 30ka sanoFinnish | Ingiriis

linkkiNuorisosäätiö:
Guryaha la kireysto ee dhalinyarada loogu talagalayFinnish | Ingiriis

Guri iibsasho

Guryaha Helsinki ku yaal tiro waxyar ka badan 40% ayaa ah guryaha la leeyahay. Marka wakhti dheer laga eego degitaanka guryaha la leeyahay ayaa qiimo ahaan jaban. Macluumaadka ku saabsan raadinta guriga, deynta guryaha, ganacsiga guryaha, mas’uuliyadda iibiyaha iyo gataha guryaha waxaad ka heleysaa bogga InfoFinland Guri iibsasho.

Xagaagi sannadka 2019 guryaha ugu qaalisan ee Helsinki ku yaal waxay joogeen 7300 yuuro halkii mitir oo labajibbaaran. Guryaha ugu jabanna waxay joogeen celcelis ahaan 3000 yuuro halkii mitir oo labajibbaaran. Qiimaha guryaha ee Helsinki waxay celcelis ahaan sannadki kor u kacaan 2,4%. Khariidadda ku jirta bogagga magaalada Helsinki ayaad ka fiirin kartaa qiimaha ay celcelis ahaan joogaan guryaha, taas oo soonaha waafaqsan. Soonaha ugu qaalisan waa soonaha 1 ee bartamaha magaalada oo cagaarka lagu calaamadeeyay.

linkkiHelsingin kaupunki:
Vanhojen osakeasuntojen hinnat HelsingissäFinnish

Guryaha beeca ah waxaad ka heleysaa bogagga raadinta guryaha ee Internetka.

linkkiEtuovi.com:
Codsiga guriga milkidaFinnish | Ingiriis

linkkiOikotie.fi:
Codsiga guriga milkidaFinnish

Haddii aad doonayso in guri aad leedahay aad ka dhisato Helsinki, waa in aad u heshaa marka hore boos aad ka dhisato iyo ruqsad. Bogagga magaalada Helsinki ayaad ka heleysaa macluumaadka rasmiga ah ee ku saabsan dhisashada guri aad leedahay.

linkkiHelsingin kaupunki:
Rakennutan pientalon HelsingissäFinnish

Guriga xuquuqda daganaanshaha la leeyahay ee Helsinki ku yaal

Waa maxay guriga xuquuqda daganaanshaha la leeyahay? Sidee loo codsan karaa guriga xuquuqda daganaanshaha la leeyahay? Faahfaahin dheeraad ah ka sii akhri bogga InfoFinland Deganaanshaha Finland.

Macluumaadka ku saabsan guryaha xuquuqdooda daganaanshaha la leeyahay ee Helsinki ku yaal waxaad ka heleysaa bogagga magaalada Helsinki, tusaale ahaan

  • sida loo codsado xuquuqda deganaanshaha
  • waa maxay lambarka nidaamku oo sidees loo codsadaa
  • Shirkadaha iyo ururada iska leh guryaha xuquuqda deganaanshaha.

linkkiHelsingin kaupunki:
Guryaha xaq u lahaanshaha degistaFinnish | Iswidish | Ingiriis

linkkiAsumisoikeushakemus.net:
Codsiga nambarada isku xigaFinnish | Iswidish | Ingiriis

linkkiHelsingin kaupunki:
Macluumaadyada xiriirka guri dhisayaashaFinnish | Iswidish | Ingiriis

Macluumaadka waxqabadka ee ku saabsan degista

InfoFinlandin sivuilta Bogagga InfoFinland waxaad ka heleysaa macluumaadyo badan oo waxqabad ah oo degitaanka la xiriira, sida:

- guri raadinta oo aad ka heleyso bogga Deganaanshaha Finland

- liiska xusuus-qorka ee guurista ku saabsan oo aad ka heleyso bogga Markii aad guuraysid

- ammaanka dabka, shaqada korontada iyo ka hortagga waxyeelada biyaha oo aad ka heleyso bogga Nabadgelyada guriga

Faahfaahin dheeraad ah oo ku saabsan sharciyada iyo xuquuqda la xirira degitaanka ka sii akhri bogga InfoFinland Xuquuqda iyo waajibaadka deganaha.

Arrimaha la xiriira degitaanka waxaad sidoo kale weydiin kartaa talo-bixiyaha degitaanka ee magaalada Helsinki ee laga helo Chatka Talobixinta degitaanka.

Waxaad sidoo kale emaylka asumisneuvonta(at)hel.fi. ku soo weydiin kartaa talo ku saabsan degitaanka.

Qashinka iyo dib u isticmaalka

Qashinka u kala sooc si waafaqsan tilmaamaha, markaas qashinka dib ayaa loo isticmaali karaa. Qashinka iskudarka ah waxaa Helsinki la geeyaa Hay’adda tamarta. Macluumaad dheeraad ah ku saabsan kala soocidda qashinka waxaad ka heleysaa bogga InfoFinland Qashinka iyo dib u isticmaalka. Qashinka guryaha sida qalabka guryaha, qalabka korontada ama qashinka dayactirka ka dhasha waa in la geeyaa xarunta Sorrti.

Macluumaad ku saabsan kala soocidda qashinka iyo goobaha dib u isticmaalidda ee Helsinki waxaad ka heleysaa bogga HSY:n (Helsingin seudun ympäristöpalvelut).

linkkiHelsinginseutu.fi:
Macluumaad ku saabsan maareynta qashinkaFinnish | Iswidish | Ingiriis

linkkiHelsingin seudun ympäristöpalvelut:
Hagitaano ah xagga kala soocida qashinkaFinnish | Iswidish | Ingiriis

linkkiHelsingin seudun ympäristöpalvelut :
Goobaha dib u isticmaaliddaFinnish | Iswidish | Ingiriis

linkkiKierrätys.info:
Goobta lagu uruuriyo qashinkaFinnish

Dhibaatooyinka degitaanka

Dhibaatooyinka degitaanka la xiriira waxaad kala xiriiri kartaa adeegga sooshalka ee magaalada Helsinki.

linkkiHelsingin kaupunki:
Cutubyada shaqooyinka sooshaalka iyo xaafaddaFinnish | Iswidish | Ingiriis

Haddii aad deganaan karin gurigaada, kaasina sababteedu yahay in xubin qoyskaada ka tirsan dagaal kugu soo qaadey ama ku hanjabay, waxaad la xiriiri kartaa guryaha ammaanka. Faahfaahinta guryaha ammaanka ee Helsinki ku yaal ka sii akhri bogga InfoFinland *Qoyska Helsinki jooga.

Guri la’aanta

Haddii aad Helsinki ku noqoto guri ’aan, la xiriir goobta adeegga shaqada sooshalka ee kuugu dhow. Sooshalladda ayaa kaa caawin karta in aad guri hesho.

linkkiHelsingin kaupunki:
Rugta adeegga hagista iyo shaqada sooshaalkaFinnish | Iswidish | Ingiriis

Faahfaahin dheeraad ah oo ku saabsan guri la’aanta, degista la taageero iyo dhibaatooyinka kale ee degitaanka ka sii akhri bogga InfoFinalnd Guri la’aanta.